Naser Sertolli i është bashkuar BIRN-it që nga 1 janari 2016, pas një përvoje 16-vjeçare si gazetar, përkthyes e redaktor në të përditshmen Zëri.Naseri ka diplomuar në Fakultetin Filologjik, dega Gjuhë dhe Letërsi Frënge, të Universitetit të Prishtinës. “Jeta e njeriut s’është gjë tjetër pos një përpjekje deri në fundin e saj për të larë borxhe”, është moto e tij për jetën. Në punë i parapëlqen çështjet sociale, të drejtësisë dhe botës. Naseri është i martuar dhe me dy djemtë e tij është fans i FC Barcelona. Nuk e ka të qartë pse organizohet gara për Topin e Artë përderisa topi vazhdon të sillet nëpër këmbët e Lionel Messi.