Foto: Besian Mustafa/Facebook
LDK bëhet me zëdhënës
01.11.2018 - 10:15
Lidhja Demokratike e Kosovës, në mbledhjen e fundit të Kryesisë, ka caktuar Besian Mustafa për zëdhënës të kësaj partie.
Sipas njoftimit lëshuar nga LDK-ja, Besian Mustafa ishte Kryeshef i Agjencisë për Investime dhe Përkrahje të Ndërmarrjeve KIESA, punoi si udhëheqës në menaxhimin e investimeve dhe riskut në bankat komerciale të Kosovës dhe kontribuoi në themelimin e Fondit Kosovar për Garanci Kreditore.
“Është i shkolluar në SHBA. Diplomë të Shkollës së Mesme në Ilionis të SHBA-së, Bachelor i Shkencave në drejtimet financa dhe kontabilitet në Pensilvani dhe Master në Administrim të Biznesit në New York”, thuhet në njoftim.