Gjendet Trupi i Personit që Ra në Erenik

Është gjetur trupi i pajetë i personit të zhdukur që ra në lumin Erenik dhjetë ditë më parë.

Lajmin për KALLXO.com e ka konfirmuar komandanti i Stacionit Policor të Gjakovës, major Kristë Gjokaj.

“Ju njoftoj se personi i zhdukur ditë më parë është gjetur nga njësitet e kërkimit të zhytësve të FSK-së në një distancë prej 2 kilometrash nga vendi ku i ndjeri kishte rënë”, tha Kristë Gjokaj.

Më tej ai ka bërë me dije se trupi i pajetë është gjetur në afërsi të fshatit Bishtazhin te e ashtuquajtura Ura e Telit.

KALLXO.com kishte shkruar për rënien në lumë të këtij personi, i cili që nga rënia konsiderohej i zhdukur.