Nol Nushi, Vetëvendosje
Arrestohet një Aktivist i Vetëvendosjes
26.12.2015 - 23:24
Një aktivist i Vetëvendosjes është arrestuar rreth orës 23 në Prishtinë.
Nol Nushi është arrestuar nga Policia në një lokal në lagjen Bregu i Diellit, afër shkollës fillore “Ismail Qemali”.
Lajmi është konfirmuar për KALLXO.com nga zëdhënësi i Vetëvendosjes, Frashër Krasniqi.
Krasniqi tha se operacioni i arrestimit të Nushit është drejtuar nga komandanti i Stacionit Policor Qendra në Prishtinë, Driton Imeri.
“Policët civilë të prirë nga Driton Imeri sapo kanë arrestuar Koordinatorin e Sekretariateve të Vetëvendosjes, Nol Nushi”, tha Frashër Krasniqi.