82 vdekje në trafik në gjysmën e parë të vitit
Periudha janar- gusht e këtij viti ka shënuar gjithsej 10 mijë e 507 aksidente trafiku në të gjithë Kosovën.
Nga të gjitha këto aksidente, 63 kanë qenë me fatalitet ku 82 persona kanë vdekur.
Policia e Kosovës, respektivisht Drejtoria e Përgjithshme e Policisë me anë të disa statistikave, drejtuar KALLXO.com, ka treguar se krahasuar me periudhën e njëjtë të vitit të kaluar, aksidente me fatalitet kanë qenë 76, pra 13 më shumë se këtë vit.
Numri i të vdekurve në aksidente trafiku vitin e kaluar ka qenë 85, tre më shumë se këtë vit.
8 mijë e 312 persona kanë marrë lëndime nga aksidentet të cilat janë raportuar me lëndime trupore.
Sipas statistikave, këtë vit numri i aksidenteve me lëndime ka rënë për 366 më pak se vitin e kaluar në të njëjtën periudhë.
Aksidente të cilat janë raportuar me dëme materiale sipas statistikave janë gjithsej 6 mijë e 312.
Policia në statistika ka paraqitur edhe numrin e tiketave të shqiptuara në trafik, numri i të cilave është 274 mijë e 717.
KALLXO.com vazhdimisht ka raportuar për aksidentet të cilat kanë ndodhur në trafik.
https://kallxo.com/aksident-me-fatalitet-ne-fshatin-e-presidentit-thaci/
https://kallxo.com/nje-i-vdekur-e-9-te-lenduar-ne-aksidentin-ne-rrugen-prishtine-gjakove/
https://kallxo.com/aksident-me-fatalitet-ne-sheshin-bill-clinton-ne-prishtine/
https://kallxo.com/aksidentet-me-te-tmerrshme-ne-kosove/
