Treni godet këmbësoren në Prishtinë
26.3.2024 - 17:33
Një këmbësore është goditur nga treni në lagjen “Lakrishte” të Prishtinës sot, më 26.03.2024, rreth orës 16:30.
Viktima ka pësuar lëndime të rënda trupore dhe është dërguar për tretman mjekësor.
Aksidentin e konfirmoi për KALLXO.com zëdhënësja e Policisë për rajonin e Prishtinës, Flora Ahmeti.
Ahmeti tha se me rastin po merret Njësiti i Trafikut.
