Shefi i Misionit të OSBE-së në Kosovë u takua me kryetarin e KPM-së

Shefi i Misionit të OSBE-së në Kosovë, Gerard McGurk, është takuar më 04.06.2026 me kryetarin e Komisionit të Pavarur për Media (KPM), Besnik Berisha.

McGurk në rrjetin social ‘X’ shkroi se roli i medias së pavarur dhe rregullimit të saj është i rëndësishëm sidomos nëpër proceset zgjedhore të njëpasnjëshme që po zhvillohen në Kosovë.

“I kënaqur që takova Kryetarin e Komisionit të Pavarur të Medias (KPM) dhe ekipin e tij. Ndërsa Kosova kalon nëpër cikle zgjedhore të njëpasnjëshme, roli i medias së pavarur dhe rregullimit të besueshëm bëhet edhe më i rëndësishëm”- tha ai.

Shefi i Misionit të OSBE-së tha se do të vazhdojnë të mbështesin KPM-në.

“Një peizazh profesional mediatik, i bazuar në lirinë e shprehjes dhe integritetin gazetaresk, është thelbësor për besimin publik dhe llogaridhënien demokratike. OSBE do të vazhdojë të mbështesë KPM-në në këtë punë të rëndësishme”- shkroi McGurk.

Delighted to meet the Independent Media Commission (IMC) Chairman and his team. As Kosovo navigates successive election cycles, the role of independent media and credible regulation becomes even more important. 1/2 pic.twitter.com/lj6gUKSbNa

— Ambassador Gerard McGurk (@OSCEKosovo_HoM) June 4, 2026