Foto: Urim Krasniqi/KALLXO.com
Raci: Qytetarët e Klinës do të kenë ujë 24 orë brenda një viti të qeverisjes sime
Kandidati për kryetar të komunës së Klinës, Esat Raci nga Partia Demokratike e Kosovës ka premtuar se brenda një viti qytetarët do të kenë ujë 24 orë.
“Në afatin 1 vjeçar qytetarët e komunës së Klinës do të kenë ujë 24 orë ujë”, ka thënë Raci.
Kandidatët e partive politike, të cilët synojnë të marrin udhëheqjen e Klinës, diskutojnë në #DebatPernime për planet e tyre pas zgjedhjeve të 17 tetorit.
Të ftuar në DebatPernime janë kandidatët për kryetar të komunës së Klinës; Besim Hoti nga LDK; Esat Raci nga PDK; Lulzim Dragidella nga LVV; Zenun Elezaj nga AAK.
Përballë kandidatëve për kryetar të komunës do të jenë edhe kandidatet për asambliste në Kuvendin Komunal të Klinës: Fatjona Gashi nga AAK; Marigona Racaj nga LDK; Mendehie Duraku nga PDK; Teuta Mulaj nga LVV.