Drenushë Ramadani

Drenushë Ramadani

Drenushe Ramadani është gazetare në KALLXO.com prej korrikut të vitit 2018. Fillimisht është angazhuar si gazetare praktikante, ndërsa aktualisht është gazetare. Ajo ka arritur titullin Bachelor në degën “Gjuhë dhe Letërsi shqipe” në Universitetin Publik të Prizrenit “Ukshin Hoti”, ndërsa momentalisht është duke vazhduar studimet postdiplomike- master në Universitetin Publik të Prishtinës “Hasan Prishtina” - drejtimi Gjuhë Shqipe. Dëshira e madhe që të punojë në fushën e medies e ka shtyrë që me shumë pasion të regjistrojë edhe Fakultetin e Komunikimit Masiv- Gazetari si fakultet të dytë, në Kolegjin AAB. Para se t’i bashkohet ekipit të BIRN Kosova, ka punuar në portalin informativ “Gazeta Observer”, për tetë muaj. Fushat, në të cilat Drenusha ka treguar interesim janë temat dhe hulumtimet sociale, fushën e ambientit, qeverisjen lokale, reportazhet duke mos anashkaluar edhe çështjet që i raporton në kuadër të lajmeve ditore.