Aksident trafiku në Gllarevë, gjashtë të lënduar

Një aksident trafiku ka ndodhur në Gllarevë të Klinës, si pasojë gjashtë persona janë lënduar.

Zëdhënësi i Policisë për rajonin e Pejës, Fadil Gashi ka konfirmuar për KALLXO.com se në aksident ishin të përfshirë një autobus dhe një veturë.

“Një aksident trafiku ka ndodhur rreth orës 15:14 në Gllarevë, si pasojë janë lënduar gjashtë persona. Të lënduarit janë dërguar me autoambulancë për në Qendrën Kryesore të Mjekësisë Familjare në Klinë” – ka thënë ai.

Zyrtari policor ka njoftuar se në vendin e ngjarjes kanë dal edhe policia dhe po zhvillon hetimet lidhur me rastin.