Policia konfiskon armë dhe mbi 500 kilogramë marihuanë në një fshat në Suharekë

Mbi 500 kilogramë marihuanë janë gjetur dhe konfiskuar në një fshat në Suharekë, më 16.09.2025.

Pëveç marihuanës që ishte në proces të tharjes, në stallë policia gjeti edhe granata-hedhës (mortajë dore) dhe një pushkë gjuetie.

“Pas peshimit të lëndëve narkotike ka rezultuar se pesha totale ishte 512 kg e 89 gr, vlerësohet se vlera e tregut është rreth 750 mijë euro. Në vend-ngjarje janë gjetur dhe konfiskuar dëshmi relevante me rastin”- thuhet në njoftimin e Policisë së Kosovës, më 17.09.2025.

Autoritetet bëjnë të ditur se një person i dyshuar, i njohur për Policinë ndodhet në arrati.