Kosovë, tri raste të dhunës në familje për 24 orë
11.2.2022 - 10:59
Në raportin 24 orësh të Policisë së Kosovës janë raportuar tri raste të dhunës në familje.
Rastet kanë ndodhur në Prishtinë, Gjakovë e Gjilan.
Në Prishtinë, policia e ka arrestuar një burrë pasi ka sulmuar fizikisht gruan me të cilën bashkëjetonte. Me vendim të prokurorit i dyshuari pas intervistimit është dërguar në mbajtje.
Edhe në Gjilan, ka ndodhur rasti i njëjtë. Burri ka sulmuar gruan që bashkëjetonte. Prokuroria e Gjilanit ka vendosur që ta dërgojnë në mbajtje të dyshuarin.
Në Gjakovë dyshohet se dy burra së bashku me një grua kanë sulmuar fizikisht një grua tjetër.
Si pasojë e sulmit viktima ka pranuar tretman mjekësor, ndërsa të dyshuarit pas intervistimit në konsultim me prokurorin janë liruar në procedurë të rregullt.