Përmes një video së manipuluar pretendohet se Kurti i kundërpërgjigjet Grubit
Deklarata
Albini i kundërpërgjigjet Artan Grubit
Vlerësimi
Rrenë
Video dhe mbishkrimin ‘Albini i kundërpërgjigjet Artan Grubit’ janë të rreme. Fjalimi i Albin Kurtit që flet për politikanë shqiptar është bërë në vitin 2019 dhe nuk është kundërpërgjigje për Artan Grubin, zv.kryeministrin e Maqedonisë Veriore. E fjalimi i Grubit që është pjesë e kësaj videoje është realizuar në vitin 2024, në fushatën elektorale të koalicionit “Fronti Evropian”.
Artikulli
Më 09.04.2024, faqja në Facebook, ‘Busulla Politike’ (arkiva) ka publikuar një video në të cilën shihet kryeministri Albin Kurti në një tubim duke iu drejtuar simpatizantëve të tij.
Mbi këtë video shkruan mbishkrimi: ‘Albini i kundërpërgjigjet Artan Grubit’.
Video fillon me një fjali të Zv. Kryeministrit të parë në Maqedoninë e Veriut, Artan Grubi, i cili thotë se ’kur je me ne, je me Amerikën. Kur je me ne, je me Evropën’.
Ndërsa video vazhdon me kryeministrin e Kosovës Albin Kurti, duke thënë se, “si te nin një politikan shqiptar tu thanë “Amelika Amelika” dije që u korruptu”.
Krypometri për ta verifikuar këtë pretendim të kësaj faqeje, ka pyetur zëdhënësin e Lëvizjes Vetëvendosje, Arlind Manxhuka nëse Kurti i është kundërpërgjigjur Grubit.
Manxhuka për krypometër tha se kjo nuk qëndon.
“Ky fjalim i Kurtit është bërë në fushatën Kundër PAN hajnisë dhe nuk ka lidhje me atë që është theksuar më lartë”- thuhet në përgjigjen e Manxhukës të datës 12.04.2024.
Krypometri ka gjetur edhe videon origjinale në të cilën është fjalimi i plotë i kryetarit të Lëvizjes Vetëvendosje, Albin Kurti.
Video origjinale e Kurtit është realizuar më 05.04.2019, në një tubim në Komunën e Vushtrrisë në të cilën kryeministri aktual, flet në emër të kryetarit të partisë Vetëvendosje. Në kohën kur është realizuar kjo video, Kurti ka qenë në opozitë.
Ndërsa fjalia e Grubit në të cilën dëgjohet duke thënë që je me ’kur je me ne, je me Amerikën. Kur je me ne, je me Evropën’ është marrë nga fjalim i Grubit në sheshin ‘Skenderbe’ në Shkup, në fushatën zgjedhore të koalicionit “Fronti Evropian” që po garon në zgjedhjet që janë duke u mbajtur në Maqedonin e Veriut.
