Foto: Kallxo.com
Plagosje me Armë Zjarri në Drenas
E plotësuar, 23:17
I plagosuri I.S. është liruar nga trajtimi mjekësor. Gazetarja e KALLXO.com e ka parë të plagosurin duke u përcjellur me veturë të policisë në dalje të Qendrës Emergjente të QKUK-së.
—
Një plagosje me armë zjarri ka ndodhur sonte në Drenas.
Viktima sipas burimeve te KALLXO.com ka marrë lëndime nga arma e zjarrit dhe është duke u trajtuar në Qendrën Emergjente të QKUK-së në Prishtinë.
Lajmi u konfirmua për KALLXo.com edhe nga Policia e Kosovës.
“Rreth orës 20:00 e kemi pranuar informacionin për një plagosje me armë zjarri. Rasti ka ndodhur ne Komoran”, tha për KALLXO.com zëdhënësja e Policisë së kosovës për rajonin e Prishtinës, Florie Ahmeti.
Ajo tha se i plagosuri ka inicialet I.S., i lindur në vitin 1962.
“I plagosuri është transportuar për tretman mjekësor në QKUK ndërsa i dyshuari Xh.N. (1962) është arrestuar nga Policia’, tha Ahmeti.