Inspektorët e KRU Prishtina zbulojnë dhjetëra kyçje ilegale në ujë të pijshëm

Me dhjetëra kyçje ilegale në ujin e pijshëm janë gjetur sot nga inspektorët e Kompanisë Rajonale të Ujësjellësit “Prishtina” sh.a.

Këto kyçje u tha nga ana e KRU Prishtina se u zbuluan në rrugën “Enver Maloku” në kryeqytet.

Sipas Kompanisë së Ujësjellësit uji i pijshëm u përdor për ujitjen e kopshteve.

“Sa bukur duket kopshti i blertë i ujitur, mbajtur e rritur me ujë të pijshëm. Ja të pandërgjegjshmit, turp” – thuhet nga njoftimin e KRU-së.

Në këtë postim janë bashkëngjitur edhe disa fotografi të bëra gjatë inspektimit në terren.