Xhudo, Distria Krasniqi në gjysmëfinale të Kampionatit Botëror
06.6.2021 - 13:09
Distria Krasniqi ka kaluar në gjysmëfinale të Kampionatit Botëror të xhudos që po mbahet në Budapest të Hungarisë.
Krasniqi, mposhti xhudisten spanjolle Laura Martinez Abelenda me “Waza- Ari”, në sekondat e parë të ndeshjes.
Distria e fitoi këtë ndeshje me “IPPON”, duke e rrëzuar Martinezin.
Në gjysmëfinale do të përballet me japonezen Naomi Tsunonda.
Në 1/8 e finales, Krasniqi mposhti xhudisten ruse Sabina Giliazova me “Waza-ari” pas 7 minutave luftë.
Ajo rrethin e parë e kaloi pa luftë, ndërsa në rrethin e dytë ishte paraparë të përballet me hungarezen Eva Csernoviczki, por kjo e fundit nuk u paraqit për shkak të një lëndimi që mori në rrethin e parë.