Distria Krasniqi
Distria Krasniqi mposhti xhudisten ruse, shkon në çerekfinale të 'Grand Slam Tbilisi'
22.3.2024 - 10:02
Xhudistja kosovare, Distria Krasniqi ka kaluar në çerekfinale të turneut të xhudos, Grand Slam Tbilisi.
Krasniqi në xhiron e parë ishte e lirë, në xhiron e dytë ajo mposhti me Wazaari dhe Ippon, rusen Iana Zhilkina.
Kampionja Olimpike në xhiron e tretë mposhti me Wazaari, holandezen Naomi Van Krevel.
Në çerekfinale ajo takohet me garuesen nga Spanja, Ariane Toro Soler.
Grand Slam Xhudo Tbilisi 2024 është një turne i Grand Slam-it të Xhudos.
Ky turne po mbahet në Pallatin Olimpik në Tbilisi, Gjeorgji, nga 22 deri më 24 mars 2024 si pjesë e turneut botëror të IJF dhe gjatë periudhës kualifikuese të Lojërave Olimpike Verore 2024.
