Historike: Kosova e shënon fitoren e parë për kualifikimet për europianit ‘Anglia 2021’
30.8.2019 - 22:10
Kombëtarja e Kosovës në futboll në kategorinë e vajzave ka shkruar historinë.
Vashat dardane kanë mposhtur Turqinë me rezultat 2-0, në ndeshjen në kuadër të fazës së grupeve për kualifikimet e europianit “Anglia 2021”.
Vashat e udhëhequra nga Afërdita Fazlija kaluan në epërsi në minutën e 33’ me golin e Modesta Ukës.
Në minutën e 39’ Kosova e dyfishoi epërsinë me qendërmbrojtësen Liridona Syla.
Në pjesën e dytë “Dardanet” e menaxhuan mirë lojën dhe i patën disa raste të mira për gol, të cilat nuk i konkretizuan.
Kosova bën pjesë në Grupin A.
Ndeshjen e radhës kombëtarja jonë e luan ndaj Sllovenisë me 3 shtator në Slloveni.