Nuk pagoi taksistin e i vodhi telefonin - kapet i dyshuari në Prishtinë

Një taksist u ankua në Polici se një person nuk ia kishte kryer pagesën dhe i kishte vjedhur telefonin “Iphone XS”.

I dyshuari sipas viktimës u largua në drejtim të panjohur.

Policia e Kosovës ka bërë të ditur se i dyshuari është identifikuar, arrestuar dhe më pas është dërguar në mbajtje.

Në raportin 24 orësh të Policisë nuk tregohet se a iu kthye telefoni viktimës.

Rasti ka ndodhur më 05.05.2024 rreth orës 22:20.