Gjilani triumfon ndaj Llapit
05.11.2020 - 15:58
Gjilani ka shënuar fitore me rezultat 2-0, ndaj Llapit, në kuadër të xhiros së 11-të në Superligën e Kosovës në futboll.
Fiton Hajdari i kaloi vendasit në epërsi në minutën e 27’ duke shënuar një gol të bukur me parabol.
Pjesa e parë u mbyll me rezultatin 1-0, për vendasit.
Skuadra vendase kishte mundësinë që ta dyfishonte epërsinë me Fiton Hajdarin nga penalltia në minutën e 73’, por goditjen e këtij të fundit e priti portieri i Llapit, Stefan Hoffman.
Për rezultatin 2-0, shënoi mesfushori Ardit Hila në minutën e 75’.
Pas kësaj fitoreje Gjilani pozicionohet në vendin e tretë me 20 pikë.
Kurse, Llapi mbetet në vendin e fundit me pesë pikë.