Asgjësimi i produkteve me afat të skaduar në Prizren, Foto: Komuna e Prizrenit
Prizren Konfiskohen Ushqime me Afat të Skaduar
29.3.2018 - 13:42
Drejtoria e Inspektoratit në komunën e Prizrenit ka asgjësuar produkte me afat të skaduar me vlerë mbi 14 mijë euro.
“Pas kërkesës së parashtruar nga një kompani vendore, Drejtoria e Inspektoratit në bashkëpunim me inspektorët e ATK-së, dje kanë asgjësuar artikuj të ndryshëm ushqimorë dhe produkte të përdorimit të përgjithshëm me afat të skaduar të përdorimit”, thuhet në njoftimin e Komunës së Prizrenit.
Gjatë aksionit për konfiskimin e produkteve të mishit të prishur, Inspektorët Komunal kanë konfiskuar një sasi të mishit në tregun e veturave.
Komuna e Prizrenit ka ftuar qytetarët që të lajmërojnë për rastet e produkteve me afat të skaduar, duke thirrur në numrin 0800 19 200.