Nexhmi Krasniqi Kthehet në Pozitën e Drejtorit të Policisë në Prizren

 Nexhmi Krasniqi sot zyrtarisht u kthye në pozitën e drejtorit të Policisë Rajonale të Prizrenit.

Lajmin për KALLXO.com e konfirmoi zëdhënësi i policisë në rajonin e Prizrenit, Hazir Berisha.

“Po, sapo isha në takim me z. Nexhmi Krasniqin dhe ai sot zyrtarisht është kthyer në pozitën e drejtorit të Policisë Rajonal të Prizrenit”, tha Berisha.

Inspektorati Policor i Kosovës (IPK) në shtatorin e vitit të kaluar i kishte rekomanduar Policisë së Kosovës suspendimin e drejtorit të Drejtorisë Rajonale të Policisë së Prizrenit, Nexhmi Krasniqit, së bashku me Besim Rexhepin, udhëheqës në sektorin e hetimeve të vrasjeve, nën dyshimin se nga informacionet që posedonte IPK kishte ankesa nga qytetarët ndaj tyre.

Rexhepi ishte kthyer në punë rreth dy muaj më parë, ndërsa më 4 mars kthimin në punë e nënshkroi edhe Nexhmi Krasniqi i cili na disa qytetarë ishte pritur edhe me fishekzjarrë e daulle.

http://kallxo.com/nexhmi-krasniqi-kthehet-ne-poziten-e-drejtorit-te-policise-ne-prizren/

http://kallxo.com/fishekzjarre-e-daulle-per-drejtorin-e-kthyer-ne-pune/

Ai, fillimisht mendoi se ishte kthyer në pozitën e drejtorit, mirëpo në ndërkohë kuptoi se i ishte ndërruar pozita e punës.

Krasniqi, më 7 mars filloi punën si shef i operativës në policinë e Gjakovës.

http://kallxo.com/nexhmi-krasniqit-i-nderrohet-vendi-i-punes/