Lladrovci sfidohet nga Sejdi Hoxha për kreun e PDK-së në Drenas
Kryeshefi ekzekutiv i Postës së Kosovës, Sejdi Hoxha ka shpallur kandidaturën për të parin e Partisë Demokratike të Kosovës (PDK), në Komunën e Drenasit.
Në një postim në “Facebook”, Hoxha ka kërkuar nga strukturat e PDK-së që të votojnë atë për të marr timonin e partisë që deri tani është drejtuar nga kryetari aktual i Drenasit, Ramiz Lladrovci.
“Do të mbeten të paharrueshme takimet dhe bisedat që kam pasur me juve anetarë dhe simpatizantë të të gjitha nëndegëve. Tek ju e kam parë besimin e madh që keni në Partinë Demokratike të Kosovës dhe kryetarin Kadri Veseli. Dëshira, përkushtimi dhe energjia juaj ishte shumë mbresëlënëse. Meqenëse unë kam të njëjtën bindje sikurse ju se PDK mund të zhvilloj edhe më shumë jo vetëm komunën tonë por tërë Kosovën është motivi kryesor që më shtyen të kërkoj besimin tuaj për të parin e PDK-së në Drenas. Ndihem vërtetë krenar dhe i nderuar të kerkoj votën tuaj për kryetar të Degës së PDK-së në Drenas”, ka shkruar Hoxha në “Facebook”.
Hoxha tutje tha se po kërkon përkrahjen për të parin e partisë në Drenas për të fuqizuar dhe më shumë, sipas tij, bastionin e PDK-së.
“Kërkoj përkrahjen tuaj që së bashku të fuqizojmë edhe më shumë strukurat tona partiake në Drenas, bastionin e pamposhtur të PDK-së. Ju garantoj se këtë pozitë do ta konsideroj përgjegjësi shumë të lartë. Do të punoj me nder dhe sinqeritet, me secilin nga ju, drejt realizimit të projektit të madh zhvillimor Dekada e Re”, shkroi tutje ai.
Ky është postimi i plotë i tij në “Facebook”:
Të nderuar delegatë, anëtarë dhe simpatizantë të Partisë Demokratike të Kosovës në Drenas,
Së pari dua të falenderoj secilin që ishte pjesë e procesit zgjedhor dhe demokratik në Degen e PDK-së.
Duke qenë së bashku me ju gjatë tërë procesit zgjedhor, kam parë një garë të ndershme, masive, kulturë të lartë politike dhe entuziazëm të jashtzakonshëm për inkuadrim në strukturat e PDK-së në Drenas.
Do të mbeten të paharrueshme takimet dhe bisedat që kam pasur me juve anetarë dhe simpatizantë të të gjitha nëndegëve.
Tek ju e kam parë besimin e madh që keni në Partinë Demokratike të Kosovës dhe Kryetarin Kadri Veseli.
Dëshira, përkushtimi dhe energjia juaj ishte shumë mbresëlënëse. Meqenëse unë kam të njëjten bindje sikurse ju se PDK mund të zhvilloj edhe më shumë jo vetëm komunën tonë por tërë Kosovën është motivi kryesor që më shtyen të kërkoj besimin tuaj për të parin e PDK-së në Drenas. Ndihem vërtetë krenar dhe i nderuar të kerkoj votën tuaj për kryetar të Degës së PDK-së në Drenas.
Kërkoj përkrahjen tuaj që së bashku të fuqizojmë edhe më shumë strukurat tona partiake në Drenas, bastionin e pamposhtur të PDK-së.
Ju garantoj se këtë pozitë do ta konsideroj përgjegjësi shumë të lartë. Do të punoj me nder dhe sinqeritet, me secilin nga ju, drejt realizimit të projektit të madh zhvillimor Dekada e Re.
Me respekt,
Sejdi Hoxha
