Ramush Haradinaj - Foto: KALLXO.com
Haradinaj Thotë se Kosova e Dha Provimin Gjatë Tragjedisë së Hebrenjve
26.1.2018 - 10:22
Kryeministri Ramush Haradinaj u përkul sot te pllaka që u kushtohet viktimave hebreje të Luftës së Dytë Botërore.
“Si çdokund në botë edhe në Kosovë kujtohet tragjedia, dhimbjet e mëdha të asaj lufte, fati i hebrenjve viktimë të asaj lufte”, tha Haradinaj.
Ai konstatoi se në kohën e Holokaustit, Kosova dhe shqiptarët e dhanë provimin si popull.
Haradinaj më tutje tha se në vitin 1998 dhe 1999 populli i Kosovës kaloi vetë nëpër tragjedi dhe prandaj është i ndjeshëm edhe ndaj të këqijave që u ngjajnë popujve tjerë.
Haradinaj nuk foli për çështje tjera.