Foto: Kallxo.com
Gjendet trupi i policit të dytë në lumin Lepenc
07.5.2018 - 17:16
Është gjetur trupi i pajetë i policit të dytë, Armend Trena, i rënë në lumin e Lepenc para dhjetë ditëve.
Lajmin për gjetjen e trupit të Armend Trenës e ka konfirmuar për KALLXO.com, zëdhënësi i ministrisë së FSK-së, Ibrahim Shala.
“Njësitë e kërkim shpëtimit të FSK-së, Policisë së Kosovës dhe AME-së (Agjencisë së Kosovës për Emergjenca) sot në orën 15 e 40, në kilometrin e 6-të (në hyrje të Hanit të Elezit) nga vend i aksidentit në lumin Lepenc, kanë gjetur trupin e pa jetë të policit Armend Trena”, tha MFSK.
Të enjten e kaluar, ekipet e shpëtimit kanë gjetur në lumin Lepenc trupin e pajetë të policit Malësor Dashi.
Lajm në zhvillim
Më poshtë janë disa fotografi nga aksioni i sotvm i kërkimit nga ekipet e FSK-së dhe Policisë.