Valverde: Asgjë nuk shkoi mirë, nuk ka justifikime

Trajneri i Barcelonës Ernesto Valverde e ka komentuar humbjen e Barcelonës, nga Liverpooli me rezultat të thellë 4-0, e cila i kushtoi edhe me eliminim nga gjysmëfinalja e Ligës së Kampionëve.

Valverde ka thënë se nuk ka justifikim nga humbje të këtilla.

“Nuk ka justifkime, nuk mund të ketë! Kur humbet në këtë formën kështu, vërtet që nuk mund të thuash asgjë. Asgjë nuk shkoi mirë, as loja jonë. Na ushtruan presion të jashtëzakonshëm dhe nuk dolëm dot. U mundova të thërrisja ekipin dhe t’i thoja të dilnin nga mbrojtja, sepse po na shtypnin, por nuk ndodhi asgjë, nuk ndryshoi asgjë”, ka deklaruar trajneri i Barcelonës.

Ai po ashtu e ka komentuar golin e katërt, duke thënë se i befasoi të gjithë.

“”Trajneri është i pari që merr përgjegjësitë. Nuk dua të flas për të ardhmen time tani, nuk është momenti, jemi të hidhëruar. Goli i katërt në goditje nga këndi? Na befasoi të gjithëve”, ka përfunduar ai.