Foto-ilustrim
Zjarri i Djeg Stallën dhe Ushqimin për Kafshë
12.1.2018 - 10:19
Policia ka njoftuar se mbrëmë rreth orës 20:30 në fshatin Trubuhovc të Istogut, është raportuar se një stallë e shtazëve është përfshirë nga zjarri.
Sipas raportit të policisë, nga zjarri janë djegur 1 mijë e 500 balla ushqim për kafshë.
Njësitet përkatëse dhe zjarrfikësit kanë dalë në vendin e ngjarjes dhe kanë lokalizuar zjarrin.
Policia nuk ka dhënë detaje të tjera në lidhje me përfshirjen e stallës nga zjarri.
Përveç dëmeve materiale, nuk raportohet për lëndime në njerëz ndërsa rasti është duke u hetuar.