Vushtrri, arrestohet i mituri pasi dyshohet se vodhi 45 njehsorë të ujit

Një person është arrestuar nga Policia në Vushtrri dhe një mbetet në kërkim policor pasi dyshohet se vodhi 45 njehsorë të ujit.

Sipas Policisë, i arrestuari dyshohet për vjedhje të rëndë, e cila ishte raportuar një javë më parë.

“Sipas hetimeve, i dyshuari në bashkëveprim edhe me një person tjetër i cili mbetet në kërkim policor, dyshohet se ka kryer vjedhje të rëndë në një objekt ndërtimi, ku cak i vjedhjes kanë qenë 45 (dyzet e pesë) njësor uji”- thuhet në njoftimin e Policisë.

Sipas njoftimit, ndaj të dyshuarit të moshës së mitur është caktuar masa e ndalimit për 24 orë.