Vushtrri, godet me veturë policin dhe largohet nga vendi i ngjarjes

Një person dyshohet se ka goditur me veturë zyrtarin policor derisa ishte në kryerje të detyrave zyrtare dhe është larguar nga vendi i ngjarjes në Vushtrri.

“Është raportuar se derisa njësiti policor ishte në kryerje të detyrës zyrtare duke drejtuar komunikacionin, një i dyshuar me veturën e tij nuk ka respektuar urdhrin e zyrtarit policor dhe i njëjti ka ofenduar dhe ka goditur me veturë zyrtarin policor mashkull kosovar”- thuhet në njoftimin e Policisë.

Sipas Policisë, zyrtari policor ka pësuar lëndime.

Ndërsa,  po sipas njoftimit të Policisë, i dyshuari ndodhet në kërkim policor.