Kamenicë: Sulmohet nga bashkëmoshatarët e tij një fëmijë i komunitetit serb

Prokuroria Themelore në Gjilan, ka njoftuar se pasi ka pranuar informatat se një fëmijë rreth moshës 11 vjeç, i nacionalitetit serb ka marrë lëndime trupore.

Prokuroria ka njoftuar se në bashkëpunim me policinë menjëherë kanë ndërmarrë të gjitha veprimet e nevojshme hetimore.

Për sulmin në fjalë janë identifikuar dy fëmijë rreth moshës 11 vjeç, të cilët dyshohet se kanë sulmuar fizikisht viktimën.

Sipas komunikatës, viktima ka pësuar lëndime të lehta trupore, për të cilat ka kërkuar ndihmë mjekësore dhe është trajtuar në Qendrën e Mjekësisë Familjare në Kamenicë.

“Pasi që këto veprime janë kryer nga fëmijë nën moshën e përgjegjësisë penale, lidhur me rastin është njoftuar Qendra për Punë Sociale në Kamenicë”, thuhet në njoftimin e Prokurorisë së Gjilanit.