Ambasadori Szunyog bën thirrje të zbatohet vendimi i Kushtetueses për Manastirin e Deçanit
Shefi i Zyrës së Bashkimit Evropian në Kosovë, Tomas Szunyog, ka njoftuar se e ka vizituar sot Manastirin e Deçanit. Ai i ka bërë thirrje qeverisë që ta zbatoj aktgjykimin e Gjykatës Kushtetuese.
“Vizitova Manastirin e Deçanit/Visoki Decani sot. Toleranca dhe respekti i ndërsjellë janë çelësi për një shoqëri multietnike dhe demokratike. I bëj thirrje Qeverisë së Kosovës që të zbatojë aktgjykimin e GJK. Të drejtat pronësore të Manastirit duhet të respektohen”, ka shkruar ambasadori në rrjetin social “Twitter”.
Visited Deçan Monastery/Visoki Dečani 2day. Tolerance & mutual respect are key for a multi-ethnic & democratic society. I call on KS Government to implement CC judgment. The property rights of the Monastery should be respected. pic.twitter.com/PQDMnnV60p
— Ambassador Tomáš Szunyog (@EUAmbKS) November 25, 2021
Para 4 vitesh, Gjykata Kushtetuese e Kosovës kishte marrë vendim, sipas të cilit i njihet e drejta e pronësisë Manastirit të Deçanit mbi 24 hektarë tokë. Por, ky vendim nuk është zbatuar asnjëherë nga ana e kësaj komune.
Banorët e Deçanit dhe zyrtarët komunal patën zhvilluar disa protesta në vitin 2013, duke thënë se manastiri është objekt kulti i shqiptarëve e jo i serbëve.
Manastiri i Deçanit është ndër monumentet e trashëgimisë më të dalluara të kohës së tij, i ndërtuar në gjysmën e parë të shekullit të 14-të.
Ambasadorët ndërkombëtar në Kosovë i kanë bërë thirrje vazhdimisht Qeverisë së Kosovës ta zbatojë vendimin e Gjykatës Kushtetuese për Manastirin e Deçanit.
