Fotografia e manipuluar e deputetes Adriana Matoshi
Deklarata
Jemi një LVV-Lista Serbe-Zdravo
Vlerësimi
Rrenë
Fotografia e deputetes Ardiana Matoshi që mban një pankartë në të cilën shkruhet “Jemi një LVV-Lista Serbe-Zdravo” është e fabrikuar. Në pankartën që deputetja Matoshi e kishte mbajtur në duar në seancën e Kuvendit të Kosovës në të vërtetë ishte shkruar “A ma lirë një shishe ujë, a një ari tokë”.
Artikulli
Më 14 korrik 2023 faqja “NjëLajm.com” ka publikuar një fotografi të deputetes së LVV-së, Adriana Matoshi me një pankartë në duar në të cilën shihet përshkrimi: “Jemi një LVV-Lista Serbe-Zdravo”.
Krypometri ka gjetur se pankarata dhe mbishkrimi në të është montuar pasi në formën origjinale në pankartë thuhej: “A ma lirë një shishe ujë, a një ari tokë”, të cilën deputetja e ka mbajtur në seancën e datës 13 korrik 2023.
Deputetja Adriana Matoshi e ka dërguar foton origjinale në Krypometër.
“Ja origjinali, e për këto meme, shqiptarëve nuk ua kalon askush në botë”- është shprehur deputetja.
