Kandidati i PDK-se 'arsyeton' punësimet e njerëzve të afërt të partisë në ATK
KALLXO.com ka raportuar para disa javëve për punësimin e të paktën 6 inspektorëve që janë të afërt me PDK-në.
Një nga premtimet më të mëdha të kandidatit të PDK-së për kryeministër, Kadri Veselit është se do ta luftoj nepotizmin.
Disa nga të punësuarit kishin lidhje direkte me PDK-në e udhëhequr nga Kadri Veseli:
- Vllaznim Krasniqi, ish-këshilltari i Ministrit të PDK-së Blerand Stavileci, njëherit person i afërt me krye parlamentarin Kadri Veseli.
- Murtez Zeqiri, ish sekretari i degës së PDK-së, në Mitrovicë.
- Pajtim Grainca, i cili kushëri i zëvendësministrit të PDK-së në Ministrinë e Financave.
- Qendrim Uka, i fotografuar përkrah Bajram Mulakut të PDK-së, në Vushtrri. Uka deri vonë punonte me kontratë mbi vepër në komunën e Vushtrrisë.
- Petrit Xani, dhëndër i ish ish-drejtorit të përgjithshëm të SHIK-ut, dhe anëtarit të këshillit të përgjithshëm të PDK-së, Latif Gashit.
- Një nga të punësuarit tjetër është edhe Afrim Tahiri, i cili ka foto të publikuara me Kadri Veselin.
I ballafaquar me këto raportime të KALLXO.com, kandidati i PDK-së për deputet në Debat Pernime, Lulzim Rafuna tha se të gjitha këta jetojnë në Kosovë dhe kanë të drejtë punë.
“Edhe ata jetojnë në Kosovë, edhe ata kanë të drejtë me punu. Aty ka njerëz të afërt të PDK-së, AAK-së, LDK-së”, është përgjigjur Lulzim Rafuna.
“Kosova është e vogël, ne kemi të afërt. Kanë hi në punë me meritë, në bazë të të gjitha procedurave dhe vazhdojnë punën”, thotë Rafuna në Debat Pernime.