Prokurori: Sekiraqa Shkeli Urdhrin e Gjykatës

Në seancën ku do të caktohet masa e sigurisë ndaj të pandehurit Enver Sekiraqa, i akuzuar për nxitje të vrasjes së policit të Kosovës, Triumf Riza, prokurori i EULEX-it Claudio Pala tregoi arsyet pse ka kërkuar paraburgim për të akuzuarin.

Pas zëvendësimit të masës së sigurisë nga paraburgimi në arrest shtëpiak, prokurori Pala tha se ka kërkuar kthimin e Enver Sekiraqës prapra grilave për shkak se ai e kishte thyer masën e sigurisë – arrest shtëpiak.

Kryeprokurori i EULEX-it tha se në ditën kur u la në arrest shtëpiak, të pandehurin e kanë vizituar dy persona.

“Kjo përbën shkelje të urdhrit të gjykatës sepse ai duhet të shmangte kontaktin me persona me të cilët nuk jeton”, tha prokurori Pala.

Ndërsa, Kosovare Kelmendi, avokatja e të pandehurit, tha sot se për shkak se njoftimin për lirimin e Sekiraqes e ka marrë përmes telefonit nga një zyrtar i EULEX-it nuk e kanë ditur përmbajtjen e plotë të urdhrit të Gjykatës.

http://kallxo.com/avokatja-nuk-e-dinim-permbajtjen-e-urdhrit-te-gjykates-per-sekiraqen/

Enver Sekiraqes iu ndryshua masa e sigurisë nga paraburgim në arrest shtëpiak të enjten.

http://kallxo.com/lirohet-enver-sekiraqa/

Pas afër 30 orësh, Sekiraqa u mor nga shtëpia dhe u dërgua në paraburgim me arsyetimin se shkeli urdhrin e Gjykatës.

http://kallxo.com/enver-sekiraqa-kthehet-ne-burgun-e-dyzit/

Shkak ishte vizita që atij ia bënë dy persona pas lirimit.

Enver Sekiraqa është i dënuar nga gjykata e shkallës së parë me 37 vjet burgim për nxitje të vrasjes së policit të Kosovës, Triumf Rizës.