Aksident komunikacioni - Foto: Ilustrim
Nxirren nga Trafiku Veturat me Defekte, Gjobiten Pronarët
Policia e Trafikut e Rajonit të Prishtinës në kuadër të intensifikimit të punës preventive për forcimin e rregullit si dhe disiplinimin e pjesëmarrësve në trafik, për kundërvajtje në kapitullin parregullsia teknike gjatë dy ditëve të fundit ka shqiptuar 30 fletë paraqitje, ka nxjerrë nga komunikacioni 6 automjete si dhe ka lëshuar 7 urdhëresa për paraqitje në kontrollim teknik.
Njësiti Rajonal i Komunikacionit Rrugor (NjRKRr) njofton se në bashkëpunim me Ministrinë e Infrastrukturës, respektivisht Departamentin e Inspektimit, që nga data 19.12.2016 ka filluar implementimin e planit operativ “Kontrolli i shtuar i komunikacionit – kontrolli i jashtëzakonshëm teknik i automjeteve”.
Sipas një njoftimi të Policisë, ky operacion do të këtë shtrirje në të gjitha rrugët e rajonit të Prishtinës dhe do të vazhdojë deri sa të vlerësohet që ka arritur efektin e dëshiruar.
Ky operacion, sipas Policisë, synon uljen e numrit të aksidenteve.
Në muajin nëntor, Policia ka bërë apel për kujdes të shtuar në trafik pas përkeqësimit të motit.
http://kallxo.com/perkeqesimi-motit-policia-apelon-per-siguri-ne-trafik/
Dy muaj më parë, Policia Rajonale e Gjilanit në kuadër të një plani operativ kishte ndaluar shumë automjete, të cilat i ka çuar për “kontroll të jashtëzakonshëm teknik”. Për shkak se automjetet e tyre rezultuan me defekt janë gjobitur dhjetëra shoferë.
http://kallxo.com/automjetet-defekte-gjobiten-dhjetera-shofere/
KALLXO.com kishte raportuar në korrik të këtij viti për një rritje shumë të madhe të numrit të aksidenteve në trafik në gjashtëmujorin e parë.
http://kallxo.com/rritje-e-frikshme-e-numrit-te-aksidenteve/
Më 13 dhjetor, në Komisionin për Zhvillim Ekonomik është diskutuar për forcimin e kontrolleve teknike të automjeteve dhe vendosja e kufizimit për mosimportim të makinave të vjetra.
Anëtari i komisionit nga radhët e LDK-së Blerim Grainca kërkoi që Ligji për Automjetet pas ndryshim-plotësimeve të parashikojë ndëshkimet ndaj atyre që kryejnë në mënyrë joadekuate kontrollet teknike.
http://kallxo.com/projektligji-qe-synon-shtrengimin-e-kontrolleve-teknike/