Mustafa Deklarohet rreth Bojkotit të ‘Listës Serbe’

Kryeministri Isa Mustafa është deklaruar sot rreth vendimit të “Listës Serbe” për t’i pezulluar aktivitetet në kuadër të Qeverisë dhe Kuvendit të Kosovës.

I pyetur nga gazetarët rreth çështjes, Mustafa tha se ky vendim e qëndrim nuk i kontribuon bashkëpunimit tonë për zgjidhjen e problemeve jetike jo veç për serbët por edhe për të gjitha komunitetet e tjera.

“Edhe ministrat edhe deputetët të kthehen e të ulemi dhe përmes trajtimeve të përbashkëta të gjejmë zgjidhje për problemet”, tha kryeministri Isa Mustafa në një konferencë të përbashkët me zyrtarin e lartë të Bashkimit Evropian Christian Danielsson.

Ndërsa, kreu i Kuvendit të Kosovës, Kadri Veseli, e ka quajtur absurd bojkotin e institucioneve nga “Lista Serbe”.

http://kallxo.com/veseli-e-quan-absurd-bojkotin-e-listes-serbe/

Vendimin për të bojkotuar institucionet qendrore të Kosovës “Lista Serbe” e ka marrë dje. Ky vendim i kësaj partie, që është pjesë e koalicionit qeveritar, vjen si rezultat i Ligjit për “Trepçën”, i miratuar në Kuvendin e Kosovës në ora 01:32 të ditës së shtunë.

Veprimi i parë bojkotues ishte sot mospjesëmarrja e anëtarit të Kryesisë dhe e shefit të grupit parlamentar të “Listës Serbe” në mbledhjen e Kryesisë së Kuvendit.

http://kallxo.com/lista-serbe-mungon-ne-kryesi-te-kuvendit/