Komandantja e re e Policisë në Drenas takohet me kryetarin Lladrovci

Kryetari i Komunës së Drenasit, Ramiz Lladrovci ka pritur në takim komandanten e re të stacionit policor në Drenas, kapitene Feime Bajrami.

Në këtë takim, bashkë më komandanten e re ishte edhe komandanti i deritanishëm, kapiten Bashkim Bytyqi.

“Në takim u diskutua situata e tanishme e sigurisë dhe u shpreh gatishmëria që bashkëpunimi i mirë i deritanishëm të vazhdojë edhe në të ardhmen me qëllim të përforcimit të sigurisë si interes parësor i të gjithëve”, thuhet në komunikatën e lëshuar nga Komuna e Drenasit.

Kohët e fundit janë bërë disa ndërrime të komandave nëpër stacione të ndryshme të Policisë së Kosovës për të cilat ka raportuar KALLXO.com.

https://kallxo.com/drejtorit-rajonal-te-policise-ne-prishtine-pritet-ti-ndryshohet-pozita/?

https://kallxo.com/ndryshimet-ne-polici-drejtori-per-krim-te-organizuar-dergohet-ne-njesi-speciale/?

https://kallxo.com/drejtori-i-njesise-speciale-te-policise-behet-drejtor-i-rajonit-te-ferizajt/?

.