Prokuroria do të kërkojë paraburgim për policin e Drenasit i dyshuar për dhunim

Rreshteri policor V. V, nga Stacioni Policor në Drenas, është arrestuar mbrëmjen e kaluar për veprime të kundërligjshme.

Inspektorati i Policisë së Kosovës përmes një njoftimi ka thënë se rreshteri është arrestuar nën dyshimin për dhunim dhe keqpërdorim seksual duke keqpërdorur, siç thuhet, pozitën, autoritetin apo profesionin.

Të njëjtit i është caktuar masa e ndalimit për 48 orë.

Ndërsa sot, Kryeprokurori i Prokurorisë Themelore në Prishtinë, Imer Beka i tha KALLXO.com se ndaj të dyshuarit do të kërkohet edhe masa e paraburgimit.

“Po në bazë të afateve të caktuara, ne do të kërkojmë masën e paraburgimit për të dyshuarin”, tha Beka për KALLXO.com.

https://kallxo.com/rreshteri-policor-ne-drenas-arrestohet-si-i-dyshuar-per-dhunim/