ARKIV - Homazhet në nderim të Astrit Deharit - Foto: KALLXO.com
Homazhet për Astrit Deharin (Foto)
Gjatë ditës së sotme janë mbajtur homazhe te arkivoli i Astrit Deharit, aktivisti 26-vjeçar i Lëvizjes Vetëvendosje, i cili ka vdekur në rrethana ende të pasqaruara në Qendrën e Paraburgimit në Prizren.
Qindra qytetarë, familjarë e aktivistë të Vetëvendosjes morën pjesë në homazhet e zhvilluara para Teatrit Kombëtar në kryeqytet.
Astrit Dehari u gjet i vdekur të shtunën në Qendrën e Paraburgimit në Prizren, ku ishte dërguar si i dyshuar për sulmin me mjet shpërthyes kundër Kuvendit të Kosovës në mbrëmjen e 4 gushtit 2016.
Trupit të Astrit Deharit dje i është bërë autopsia.
Astrit Dehari është varrosur sot në varrezat e fshatit Zllatar të Prishtinës.
Në fotografitë e shkrepura nga Atdhe Mulla shihet pikëllimi në fytyrat e pjesëmarrësve në ceremoninë e homazheve pranë arkivolit të të ndjerit.