Dita pa makina shënohet edhe në Kosovë
22.9.2018 - 09:41
Në Kosovë sot shënohet dita pa makina. Ministria e Mjedisit dhe Planifikimit Hapësinor në bashkë organizim me Komunën e Prishtinës, OJQ-të “Lets do it Kosova”, “REC”, “GAC” dhe SHFMU “Shkolla e Gjelbër” shënon 22 Shtatorin Ditën Ndërkombëtare pa Makina.
Aktiviteti shënohet para objektit të Qeverisë gjegjësisht ndërtesës “Ish Rilindja”, ndërsa, “Adventure Trips Kosovo” organizon një tur me biçikleta.
Dita Botërore e Qyteteve pa makina është një përkujtim i jetës publike e qytetare, e lirë nga zhurmat, stresi dhe ndotja e makinave.
Ditët pa makina janë organizuar fillimisht gjatë krizës së naftës në 1970-ën, ndërsa në qytetet evropiane janë organizuar në fillim të viteve 1990-të.