Burg për gruan që shantazhonte seksualisht mjekun nga Gjilani
Me nga një vit burgim dhe një gjobë prej 400 eurove janë dënuar burrë e grua nga ana e Gjykatës së Gjilanit për shantazh.
Sipas njoftimit të gjykatës, dy bashkëshortët M. K dhe F. K me qëllim të përfitimit të kundërligjshëm pasuror për vete, e kanë shantazhuar një doktor inicialet e të cilit janë E. E.
Shantazhi ndaj doktorit është bërë për një video incizim.
“Nëse nuk u jep i njëjti (doktori) të hollat në shumën prej 5.000 Euro, ata (bashkëshortët) do të zbulojnë një videoincizim i cili do të dëmtonte nderin dhe autoritetin e tij”, ishte arsyeja e shantazhit.
“Me këto veprime të pandehurit kanë kryer veprën penale shantazh nga neni 341 paragrafi 1 lidhur me nenin 35 të Kodit Penal të Republikës së Kosovës (KPRK)”, thuhet në njoftimin e gjykatës.
Po ashtu i akuzuari M. K obligohet që t’i kompensoj një shumë të hollash vlera e së cilave është 1 mijë euro, doktorit.
KALLXO.com ka raportuar në lidhje me rastin e shantazhi të dy të akuzuarve ndaj doktorit.
https://kallxo.com/ndalohen-tre-persona-te-dyshuar-se-shantazhuan-doktorin-duke-i-kerkuar-5-mije-euro/
https://kallxo.com/gjilan-aktakuze-ndaj-personave-qe-shantazhuan-seksualisht-doktorin/