20 vjet nga nënshkrimi i marrëveshjes për demilitarizimin e UÇK-së

Sot bëhen 20 vjet nga nënshkrimi i marrëveshjes për demilitarizimin e UÇK-së.

Në këtë marrëveshje janë përfshirë në detaje fazat e dorëzimit të armëve, mbajtjes së uniformave, kalimin e një pjese të pjesëtarëve të UÇK-së në polici dhe administratë publike, etj.

Në këtë marrëveshje ishte paraparë formimi i Ushtrisë së Kosovës në vijat e Gardës Kombëtare të SHBA-ve, duke marrë parasysh Marrëveshjen në Rambuje.

E gjithë kjo fazë ka pas një periudhë prej 90 ditëve pas së cilës është bërë demilitarizimi i plotë i UÇK-së dhe në shtator të vitit 1999, është nënshkruar marrëveshja për formimin e TMK-së, jo si forcë ushtarake, siç ishte paraparë në këtë marrëveshje, por si forcë emergjente për reagimin në rast të katastrofave natyrore.

Nënshkrues të kësaj marrëveshje figurojnë Hashim Thaçi në pozitën e kryeministrit të Qeverisë së Përkohshme, Agim Çeku në pozitën e shefit të shtabit të UÇK-së dhe është pranuar nga gjenerallejtënant, Mike Jackson, komandant i KFOR-it./21Media/