Logo e LDK-së - Foto: Facebook
Vdes ish-kandidati i LDK-së për deputet
14.6.2020 - 15:30
Ish-kandidati i LDK-së për deputet të Kuvendit të Kosovës në zgjedhjet e vitit 2017, Shukri Abdullahu, ka vdekur sot.
Kryetarja e Kuvendit të Kosovës, Vjosa Osmani, ka shprehur pikëllimin e saj për vdekjen e bashkëpartiakut.
Shukri Abdullahu u lind në Bërvenik të Podujevës më 1966, por po jetonte në Prizren.
Ai ishte inkuadruar në LDK që në ditët e para të themelimit të partisë, duke qenë edhe kryetar i forumit rinor të partisë në fshatin e tij.
“Me vdekjen e tij familja humbi njeriun e dashur e të urtë, ndërsa Prizreni njërin ndër aktivistët e saj më të vyer. Kujtimi për të do të jetë i përhershëm”, ka shkruar Vjosa Osmani.