Tri vetura përfshihen në një aksident në 'Veternik'
03.5.2021 - 14:08
Në rrugën Prishtinë-Ferizaj ka ndodhur një aksident i komunikacionit rrugor ku janë përfshirë tri vetura.
Zëdhënësi i Policisë së Kosovës për rajonin e Prishtinës, Agron Borovci ka thënë për KALLXO.com se aksidenti ka ndodhur rreth orës 11:40.
Si pasojë e këtij aksidenti, lëndime trupore kanë pësuar tre persona, të cilat janë dërguar në QKUK për trajtimin e nevojshëm mjekësor.
Sipas Policisë me rastin po merret njësia e komunikacionit rrugor.