Suspendimi i zyrtarit policor, dyshohet se publikoi pamje të serbit të arrestuar gjatë kohës sa ishte në stacion policor
Me rekomandim të Inspektoratit Policor të Kosovës sot është suspenduar një zyrtar policor i cili dyshohet se ka kryer xhirim të paautorizuar të arrestimit të një personi të dyshuar.
Ai dyshohet se ka publikuar pamje të Nenad Orlloviq, i njohur si “Rusi” gjatë kohës sa ka qenë i arrestuar brenda stacionit policor.
Në këtë xhirim Orlloviq shihet i zhveshur dhe me kapelë në kokë.
Pamjet e shpërndara nga ky xhirim janë përdorur nga mediat serbe të cilat pretendojnë për keqtrajtim të serbëve nga ana e policisë.
Kosovo albanian record of a torture of serbian nenad orlovic
Same as ISIS https://t.co/Y3guZaaMqF
— TommyShelby (@TommySh40420834) June 24, 2023
Policia e Kosovës të premten ka arrestuar të dyshuarin Nenad Orloviq, i njohur me nofkat “Nemac” dhe “Rusi” për sulm ndaj KFOR-it në Zveçan më 29 maj.
Sipas burimeve brenda Prokurorisë, personi i njëjtë po ashtu është identifikuar si pjesë e disa prej problemeve tjera që kanë ndodhur në veri të Kosovës, përfshirë ngjarjet me barrikada ku një person i ngjashëm, i maskuar, shihet afër një kamioni. Në dosjen e hetimit pretendohet se është personi i njëjtë.
Pamje nga momenti i arrestimit të të dyshuarit për sulmin ndaj KFOR-it në Zveçan