Foto: Urim Krasniqi/KALLXO.com
Suharekë, plagos veten me armë gjuetie
31.1.2021 - 10:39
Një person ka plagosur veten me armë gjuetie.
Rasti ka ndodhur në fshatin Doberdelan të Suharekës dje rreth orës 15:10.
Policia njofton se është raportuar se në QKMF në Suharekë ka kërkuar tretman mjekësor një person, i cili më pas është dërguar në Spitalin Rajonal në Prizren për tretman ku më pas është liruar për në shtëpi.
I dyshuari me armë gjuetie është vetëplagosur.
Njësitë relevante policore kanë dalë në vendin e ngjarjes ku kanë konfiskuar një pushkë gjuetie dhe 16 fishekë te cal. 16 mm.
Në lidhje me rastin është konsultuar prokurori i shtetit i cili ka rekomanduar që rasti të procedohet në procedurë të rregullt.
Rasti po trajtohet si armëmbajtje pa leje dhe shkaktim i rrezikut të përgjithshëm.