Si ndodhi rasti ku u vra një e u plagosën dy policë
Një polic i Kosovës ka mbetur i vrarë e dy të tjerë të plagosur në një incident që ka ndodhur sonte në fshatin Zhur të Prizrenit.
Burime të KALLXO.com tregojnë se Njësiti i Anti-Drogës kishte shkuar të kryente bastisje në një shtëpi në Zhur.
Para se të futeshin në shtëpinë e dyshuar, policët kishin vendosur shiritat e sigurisë rreth shtëpisë që ishte shënjestër e operacionit.
Burime të KALLXO.com thonë se shpërthimi ka ndodhur në momentin kur pjesëtarët e Policisë ishin në katin e dytë të shtëpisë që po bastisej.
Tre policë kanë pësuar lëndime dhe njëri prej tyre ka vdekur më pas nga plagët e marra.
KALLXO.com merr vesh se i plagosur ka mbetur edhe një fëmijë.
Njëri polic i plagosur në Zhur, në gjendje të rëndë
Policia e Prizrenit jep detaje për incidentin ku mbeti i vrarë një polic