Policia në Suharekë sekuestron municion armësh, i dyshuari thotë se i posedonte që nga koha e luftës
09.1.2024 - 16:51
Policia e Kosovës sot ka sekuestruar një pushkë automatike AK-47 me tre karikator , një pushkë gjysmëautomatike me dylbi dhe 209 fishekë në fshatin Vraniç të Suharekës.
Organet e rendit bënë të ditur se disa muaj më herët, Policia nëpërmjet rrugëve operative kishte pranuar një video-regjistrim ku shihet një sasi e konsiderueshme e municionit andaj pas hetimeve është arritur që të identifikohet edhe i dyshuari.
I dyshuari ka deklaruar në Polici se këto armë dhe municione kanë qenë në pronësi të tij që nga koha e luftës në Kosovë.
Pas intervistimit në konsultim me prokurorin kujdestar i dyshuari lirohet në procedurë të rregullt.