Ilustrim - Foto: KALLXO.com
Policia jep detaje për plagosjen e mbrëmshme në Zllatar të Prishtinës
27.6.2023 - 10:42
Babë e djalë janë arrestuar, pasi dyshohet se në parkingun e një restoranti në Zllatar të Prishtinës kanë sulmuar fizikisht një person.
Policia ka bërë të ditur se viktima ka thënë se njëri prej të dyshuarve me armë zjarri e kishte gjuajtur në tokë afër këmbëve dhe si pasojë ishte vetëplagosur në këmbë.
Në vendin e ngjarjes janë gjetur dhe sekuestruar dy gëzhoja të pistoletës, ndërsa në veturën e të dyshuarit gjithashtu është gjetur dhe sekuestruar një pistoletë me dy fishekë, e cila dyshohet se është përdorur në rast.
Të dyshuarit me vendim të prokurorit janë dërguar në mbajtje për 48 orë.