Mitrovicë: Kapet në flagrancë duke vjedhur
25.12.2019 - 10:13
Orët e hershme të mëngjesit të djeshëm një person është kapur në flagrancë duke kryer një vjedhje në një lokal.
Policia ka njoftuar se rreth orës 5 të mëngjesit të djeshëm në Mitrovicë, i dyshuari është arrestuar.
Gjatë intervistimit të të dyshuarit, ky i fundit kishte deklaruar se kishte kryer vjedhjen duke treguar edhe se çka ka vjedhur.
“11 makina elektrike për prerje të flokëve, 10 sapunë të rrojës dhe 3 telefona celularë të cilat ju kanë sekuestruar dhe ju kanë kthyer pronarit”, thuhet në raportin policor.
Pas intervistimit me vendim të prokurorit i dyshuari është dërguar në mbajtje për 48 orë.